La sarsa te pipitiàulu

A nnu ccertu puntu a parecchi signuri, speciarmente carusi, te ntra llu Capu ni inne ògghia cu ba' àbbetanu a Lecce o puru a Màgghie: endèra palazze e fondi e se nde sçera alla cità rande.

Le case e le chesure endute te li signuri se le ccattàra ccerti razzali ci s'ìanu rreccuti cu lle fatèi e cu lli sparagni loru. Ma puru ci s'ìanu fatti pruetari ricchi, sempre ppòppeti ìanu rrimasti de mueti e de manere; puru ci ìanu lassata la còppula e s'ìanu ncafatu a ncapu lu cappieδδu de fettru, sempre žalli te mentalità ìanu rrimasti de motu e de fattu; puru ci s'ìanu ccattatu tantu nnu tarloci quantu a nna cepuδδa e s'ìanu mpisa tanta nna catina d'argentu susu alla panza trippusa, ncora e sempre capustieδδi èranu, meschini e gnuranti: a llìngua leccese sti petucchi mpennati se chiamàanu 'coppuloni'.

Nna fiata nnu coppulone te Lucugnanu, lu patrunu Ntoni de li Lei Nei, tuccàu cu bàsçia alla cità te Lecce, percé ìa pigghiatu mpegnu cu nnu nutaru leccese. Perìcciu miu, an vita soa s'ìa spustatu doi ttre fiate fena a Utràntu, nna sula fiata ìa sçiutu a Màgghie; e moi nu ssapìa comu ìa ffare cu ba' rria fenca a Lecce: nu ssapìa né a ddu mera stìa Lecce né quantu stìa largu né quantu tiempu nci ulìa cu nci ba' rria. E poi, rriatu a Lecce, ci se putìa fare capace cu ccamina pe lle strate te nna cità tantu rande? nc'era cu tte pierdi alle giraote, nc'era cu ccappi sutta a lle rote te tante carrozze, mai sia, ci unu nun era pràttecu. Nci penzàa giurnu e notte e lu ppuntamentu cu llu nutaru se cucchiàa. Alla fine se decise: se fice ccumpagnare, a spese soi se capisce, te l'acciprete, sempre prontu e ben dispostu cu iuta li paisani soi a ste circustànzie.

- Però, cumpare Ntoni, - se raccumandàu papa Caliazzu - nu mm'à' fare fare brutte ficure nnanti a lli cetatini…

- Ma ièu nu…

- Futticatende! Tienimente a comu se cumpòrtanu li cetatini, fane comu e cenca fàcenu li leccesi e statte tranquillu ca nu scarri.

- Giustu, buenu a sapìre; àggiu capitu.

Partèra la matina a prima arba cu lla sçiumenta e llu biruccinu e rriàra te èspera tardu.

Trasèra ntra Lecce te porta San Biaggiu, passàra lu tàziu e rriàra alla chiazza de Santa Chiara. Prestu papa Caliazzu se maraegghiàu ca a ddu prima nc'era la lucanda te nunna Annetta 'uecchi-de-cuccuàsçia', moi nc'era lu abbergu te donna Annetta 'uecchi-de-bàmbula'. E cquài pigghiàra allòggiu, tantu era tuttu spesatu a cuntu te lu cumpare Ntoni.

La sira, dopu ci s'ìanu llàati e scupettati, scìsera cu sse màngianu quarche cosa te cucenatu e pigghiàra postu a nna banchiteδδa nnu picca scusa a nnu àngulu te lu lucale.

Senza cu llu chiama nisciunu, nnu cammerieri faci faci ni purtàu furcine, cucchiari, cucchiarini, curtieδδi, puru li servietti, pe papalèu!, e poi feδδe te pane iancu e nna scuteδδa te nu ssàcciu ccene, e lu cammerieri ddummandàu cce ccumandàanu de buenu.

- A mie pòrtame sagne ncannulate, nna còscia te cunìgghiu arrostu e nnu quarche cosa pe subbratàula; a, sienti, e nnu giampàulu te žacarese.

Lu Ntoni te li Lei Nei, lu coppularu, sta' desederàa nna bella suppressata e tanta nna pursione te sartù, ca nd'ìa ntisu parlare ma mai n'ìa enuta inta cu lli ssàggia; però, cu nnu ssia nu ssapìa comu se mangianu e facìa brutta ficura, nde rrumase cu llu cheu ncanna e, nvece, ni essìu dittu:

- Puru a mie… le stesse cose te l'acciprete.

Però quantu ìa statu spiertu la prima fiata lu cammerieri, tantu fose lientu la secunda fiata e lu coppularu ncignàu cu alìsçia pe llu appetitu, e spalangàa tanta nna ucca.

- Mìntite la manu perta nnanti alla ucca quandu faci nnu alu - ni tisse l'acciprete ntra lla rìcchia.

Lu patrunu Ntoni, rrecurdànduse lu cusìgghiu te papa Caliazzu, sutta uècchiu uardàa comu se cumpurtàanu quiδδi ci stìanu ssettati all'àure banche te coste.

Lu coppularu a nnu ccertu puntu scuperchiàu la scuteδδa ci ni stìa de nanti (comu sta' betìa fare a nna signura cùcchia a iδδu) e nduràu la bobba russastra, fridda, tensa, ca nc'era intra a lla suppiera; poi zzeccàu lu cucchiarinu cu lla manu ritta e nna feδδa te pane iancu cu lla mancina (comu sta' facìa la signura) e nde la ungìu bella bella (comu facìa la ecina) te sta ndosa mara, mma mara te fuecu, comu sarsa te pipitiàulu o tiaulìcchiu, ca ete la stessa cosa.

La signura ni passàu la feδδa te pane a marìtusa comu nantipastu; lu coppularu ni llungàu la feδδa a llu cumpare acciprete, ca sta' faeδδàa tuttu nfervuratu cu llu ecinu te banca.

La signura nde preparàu nna secunda feδδa te pane pe iδδa e ncignàu cu lla mòzzeca a picca la fiata, a muersiceδδi, cu lli tentuzzi ianchi; lu coppularu puru nde ungìu nn'àutra feδδa pe iδδu, e cu nnu muersu a nchinu nde muzzecàu quasi la miatate e se la gnuttìu comu sia ci era nna stozza te cupeta.

A stu puntu papa Caliazzu giràu l'ecchi mmera a llu cumpare Ntoni e lu sçiu bidde tuttu rrussecatu a nfacce, cu ll'ecchi stampagnati e lacremusi e sta' rrefiatàa cu lla lìngua de fore comu nnu cane.

- Cumpare miu, cce ài? Cce tt'à ssuccessu, nu tte sta' sienti buenu? Te sta' bìsçiu ssunchiare…

- Nienti, acciprete, nu bete nienti. M'à benuta a mente la benettànima te mama… e m'ànu scappate le làcreme.

- Me', cittu moi; nun ete lu mumentu cu cchiangi cquài la mamma toa, morta int'anni rretu - e decendu quistu, papa Caliazzu, standu subbrapenzieri, tese nna muzzecata a nchinu alla feδδa de pane ca se truàa tra lle doi tìsçete.

Lu Ntoni te li Lei Nei a stu mumentu lu sçiu bidde cu lla ucca storta e cu lli doi uecchi spungulati e chini te làcreme.

- Cumpare acciprete, percé sta' chiangi puru signurìa? Ci t'à benuta a mente la bunànima te màmmata?

Quandu ni ddefrescàu nnu picca la lingua, papa Caliazzu palora nanzi palora respuse:

- None la felice memòria de mama m'à benuta a mente, ma δδa bona cristiana te màmmata, ca te mise a mmundu!