La murtibbricazione de lu pane e de lu pisce

Nna tumìneca mmatina papa Caliazzu a missa sta' spiecàa lu santu vangelu; ma tenìa tanti te δδi cazzi ncapu ca se cunfundìu e smammàu ca nostru Signore Gesucristu de cìnque taraδδi nde fice cinquemila piezzi te pane e de cìnque sàrachi nde fice cinquemila pisci e cu tuttu stu bene te Diu spamàu cinquanta persone.

- Pruetènzia e pussànzia te Diu! - pensàu la gente - Cce bera buenu te core lu Signore nèsciu!

Ma mèsciu Cici nuceδδaru, ca li cunti se li sapìa fare a mente, nu sse potte ntartenìre e disse:

- Acciprete, fessarèi! Ognetuna te le cinquanta persone centu piezzi te pane se mangiàu e centu sàrachi? Putèssere?

Papa Caliazzu se ddunàu ca ìa titta nna balla troppu rossa e nde rrimase fiaccu; ma, cu nu perda la facce, mpunìu:

- Ca pròpriu a cquài cunsestìu lu meràculu! Te tandu δδe cinquanta persone pigghiàra l'abbetùtine, e la secutàra, cu sse bbùffanu e cu sse nquàzzanu ogne giurnu…, iata a iδδe!

- Àggiu capitu - tisse mèsciu Cici - te δδi tali cundiscèndenu li mangiunazzi te moi, li spafacchioni ci o cu lla curuna o cu lla mìtria a ncapu anu sùrchiandu lu sangu te la pôra gente!