| Home Page | Inizio della pubblicazione | |
| Cose te pacci - Cunti culacchi canti | ||
| Capitolo precedente: | Capitolo 40 | Capitolo successivo: |
| La brìscula | Basta la mmossa! | La mazzetta |
Se sape, no? ca quantu cchiùi mieru minti te subbra, tanta cchiùi... àcqua esse te sutta!
Nnu sabbatu bèspera lu Tore Babbu s'ìa sculati parecchi mienžiquinti de mieru, facendu cu lli amici soi ìseta a tutte le putèi, una dopu l'àutra, comu quandu la ernetìa santa se fàcenu le sette ìsite a lli sebburchi; poi se ssettàra a taulinu unu te facce all'àutru, supèrchiu stracchi, ma pronti cu sse fàzzanu nnu ttressette.
Lu Tore a stu puntu ntise besegnu cu sse scumbra la lessìca, ma nu mbulìa cu ccurra a ccasa soa, ca stìa luntana, pe paùra, mai sia!, cu nnu pperda lu postu alla partita. Essìu te la putèa, giràu l'àngulu, uardàu de cquài, mmirciàu de δδai, respicàu de gnepparte, nu bidde nisciunu; se scuse a rretu alla rapa te lu chiuppu cchiù' rrande e se spuntàu le furmeδδe te li càusi.
«T'àggiu zzeccatu, Tore! - fice lu Michelinu uàrdia, ci, còccia llu pìgghia!, pròpriu tandu ìa essutu te casa a llu sìndecu - Sinti a ccuntravenzione. Paca do' lire de murta, senone te portu a corpu de uàrdia a pane, àcqua e taulàcciu».
«Giuru: nun àggiu… Me egna còccia… mancu nnu nziδδu...».
«Ièu t'àggiu istu cu lla petàccia perta...».
«Sì, va bene. Ma uarda a nterra, e biti ca nu nc'ete mancu mmuδδatu, mancu nna stizza».
«Ièu me nde futtu! Pe mie basta la mmossa!».
Llora lu Tore, persuasu te stu mutivu, cu do' tìsçete teràu fore te lu pautinu nna dolire, la mpuggiàu susu a lla manu te lu Michelinu uàrdia e poi se la feccàu ntorna a mpàuta soa stessa.
«Mbe! Nu mme la dai la dolire?».
«Basta la mmossa, no?» - respuse lu patrunu Tore.
E lu Michelinu uàrdia rrumase frasturnatu cu lla manu perta e… cu tantu te nasu
| Home Page | Inizio della pubblicazione | |
| Cose te pacci - Cunti culacchi canti | ||
| Capitolo precedente: | Capitolo 40 | Capitolo successivo: |
| La brìscula | Basta la mmossa! | La mazzetta |