"Moi la càccia…!"

- Frati mei, soru mei - pretecàa nna tumìneca papa Caliazzu de su llu artare - Diu patre nniputente ni sta' castìa: ni sta' manda sìcceta e carestìa, le pùzzure se sta' ssàccanu, le spiche te li miessi nu sta' bìnchenu, le mite pezzulìsçianu li culummi e le saccufàe se fùttenu le fiche mmelate; nnu àutru annu peccussine e lu Patreternu ni scuffunda.

Li feteli presienti, coremmaruti e scunfitati, cutulandu la capu, facìanu segnu de sine.

- Beδδe caruse, beδδi carusi, uliti cu sapìti percéne Domeneddìu stae tantu rraggiatu cu nnui? Uliti pròpriu cu sapiti percéne lu Signore nci l'àe cu mmie, cu bui, cu tutti?

Li feteli presienti decìanu sine mmuendu la capu e ttinchiànduse a mpiettu.

- Una ete la raggione, unu sulu ete lu mutivu, sì: tanta nna stozza te carne; sì, pròpiu cussine, pròpiu pe quistu, cretìtime: nnu pezzettìcchiu te carne; Diu, lu tata nèsciu, stae ncazzatu pe lle peccate ci nui, màsculi e fìmmene, cummettimu cu tantu nnu pezzettu te carne.

Tutti uardàra l'acciprete, e, quandu se crìsera ca ìanu capitu lu significatu te le palore, basciàra la capu e, scurnusi, ntesàra le rìcchie.

- Pe nna stozza de carne se màndanu uffese contru Gèsu Cristu, pe nna stozza de carne se mìnanu spernùzzuli contru Marìa bella e vèrgine e contru li Santi e le Sante te lu paraisu; pe ccàusa de nna stozza te carne - nsistìa l'acciprete - succètenu tratimienti, endette, tispite, mucìti…, pe nna stozza te carne senza uessu, ca se sciùδδeca cuntinuamente, ca ete ùmeta, longa, puntuta; sì, frati e soru mei, pe nnu pezzettu te carne se fàcenu tante cose fiacche, se cummèttenu tanti brutti peccati!

Li carusi e le caruse ncignàra cu sse uàrdanu cu lla cuta te l'ècchiu, li màsculi se llisciàanu li mustazzi, le fìmmene se lleccàanu li musi.

- Sta stozza mmalurata de carne, càusa te tanti peccati, uliti cu lla etiti? - fice ca dummanda papa Caliazzu - E ièu bu la mòsciu; bu la fazzu ìtere, uliti o nu mbuliti…

'Tici ca la càccia a biru?' - pensàra le bižžoche e chianu chianu sulliàra li pìnnuli de l'ecchi curiusetusi.

- Sì, ògghiu cu bu la mòsciu sta stozza te carne.

'Moi la càccia; quiδδu ete capace cu lla càccia!'

- Éccula - retàu papa Caliazzu tuttu te paru, e cacciàu ddaveru… tanta nna lìngua pezzuta.