Sempre inticìnque anni

La soru te Papa Caliazzu, la Pippi, zita te quaranta anni, comu cumpressu se mantenìa giòane nu nc'era male, ma sasçeràa però quandu se truàa cu màsculi furestieri e sçìa tecendu ca tenìa inticìnque anni.

- Nu nci cretiti? - la Pippi disse nna fiata a unu ca la uardàa ncrètulu - Fàttela tìcere te fràima lu prete ca ete saggerdote e busçèi nu nde po' dìcere.

- A ddaveru, ete pròpriu cussine - respuse papa Caliazzu - ae quìndici anni ci sorma lu ae mpunendu e rebbrecandu ca tene inticìnque anni.