Chiusi l'ecchi… e perta la ucca

Nna fiata, te la festa rande te lu santu prutettore, lu vescu de Lessanu, ccumpagnatu te papa Caliazzu (èranu comu lu mùsciu e lu scarpune!), sçiu a llu paise te Trecase e rrumanìu nvitatu a llu palazzu de li prìncipi Muliternu. La principessa fecuràtiu cce banchettu straurdinàriu fice preparare te lu mègghiu cocu te Lecce; era pròpriu lu casu cu dici: "entre mia fatte capasune".

A gne piatanza, però, lu vèscu, ca era te stòmecu ndilicatu, se giràa mmera a papa Caliazzu, ca ni stìa ssettatu te coste, e ddummandàa:

- E stu nantipastu nun ete supèrchiu piccante? Tici ca me face male?

- None, Bonsignore, ete mangiare sanu e genuinu e stuzzecusu a puntu giustu.

E nnu picca dopu lu vescu ntorna se giràa e ddummandàa a papa Caliazzu:

- E a sti maccarruni nu nc'ete troppu racù rassu e forte?

- None, Bonsignore, ete cuettu buenu e sapuritu; e poi, nna fiata tantu… nu te face male: penza a mmangiare.

E dopu, lu vèscuvu ntorna:

- E stu arrostu de puercu servàggiu nu mme nchiumma lu stòmecu? … E quistu…? E st'àutru…?

Papa Caliazzu, ca ulìa sulamente cu mmàngia a ngràzzie te Diu, ca se nde stìa tuttu cuncentratu cu ssàggia e cu ssapura, cu gusta e cu sse nquazza te δδe pursioni prelebbate, a nnu ccertu puntu nu nde putìu cchiùi e respuse:

- Ccellenza, ièu cunsìgliu a Signurìa cu tieni pierti l'ecchi e chiusa la ucca, e lassa a mie cu tegnu chiusi l'ecchi e perta la ucca!