Home Page Inizio della pubblicazione
Li cunti te Papa Caliazzu
Racconto precedente: Racconto 51 Racconto successivo:
Modo videbitis… modo non videbitis Cristu miu pìzzeca Nna tàula àuta

Cristu miu pìzzeca

Nna èspera papa Caliazzu, sçendu a passèggiu fore paise comu lu sòletu, idde, scusu sutta a nna chianta te ruta tesçetale, nnu castarieδδu cacanitu, ca ìa lassatu lu nitu o nd'ìa catutu prima cu sse mpara cu bola. Papa Caliazzu, sapendu ca, ci lu lassàa, quarche urpe se lu pappàa te certu, lu ccose e lu purtàu a ccasa soa.

Te tandu a ccasa a llu arciprèite se perse lu rièsçiu e lu reggettu; te tandu tra papa Caliazzu e la Pòrsia, la serva, ncignàra li lletecamienti e li tespietti, percé iδδu s'ìa ncapunitu cu surga lu aceδδu riestu e cu llu mmaestra; la sperpèteca te la serva, nvece, puntusa comu era, nu mbulìa cu llu tene a ccasa, percé - se llamentàa e forsi nun aìa tuertu - lu castarieδδu sçìa mmucandu a gnemparte e gnettantu la puru pezzecàa a sangu cu δδu pizzu a ncinu. L'acciprete manu manu nci se ffeziunàa comu a nnu amicu, la serva, nvece, δδu aceδδu lu temìa e lu mmenezzàa - "ci me ccappi, te torcu lu cueδδu!" - pe lla paura cu nnu ssia te notte, mai sia, ni nde càccia l'ecchi cu llu pizzu e cu lle cianfe.

Sapendu ca la Pòrsia facìa a biru e nu parlàa a schersu, papa Caliazzu nnu giurnu (ssendu ca ìa sçire fena a Lessanu cu a' pìgghia lu vèscuvu), cu minta a llu sicuru lu castarieδδu, lu sçiù chiuse (cce itèa ci ni inne a δδu mmaluratu te prete!) intra a llu cibbòriu te l'artare.

Prima cu minta lu sule, l'acciprete turnàu e ndusse lu vescu a Lucugnanu. Bonsignore rrumase nna uretta su llu palazzu cu lli baroni Capece - nu ssàcciu te cce parlàra - poi allu mbrunìre sçìu alla chèsia matre cu dica la seròtina. Alla benetezione lu vescu cercàu la chiài te lu tabbernàculu e sulu tandu papa Caliazzu se rrecurdàu te lu castarieδδu…

- Ccellenza, cumandi cu brapu ièu?

- None, tocca a mie cu pìgghiu lu Signore - disse lu vescu - Ubi maior, minor cessat = dove c'è un superiore, l'inferiore si deve mettere da parte.

- Bonsignore, lassa cu brapu ièu - nsistìu l'arciprèite - ca Cristu miu pìzzeca e nu tene cuntu né de lu maior e né de lu minor.

- Pìzzeca cine? Cristu pìzzeca?

- Sine, Ccellenza, Cristu miu ete riestu e perniciosu: pìzzeca cinca nu ccanusce.

- E a mmie Cristu nu mme canusce? Lu Signore canusce tutti e a tutti ole bene.

- Cristu miu none, Bonsignore, crìtime; Cristu miu pìzzeca…, sienti a mmie.

Lu vèscuvu se ntise veramente spastitiatu e nu dese cchiùi retta all'acciprete, nfelàu la chiài e aprìu lu spurtellinu te lu cibbòriu; ma, ppena nci nfelàu la manu cu pìgghia lu Santìssemu Sacramentu, se buscàu nna pezzecata tantu forte ca pe picca nu nni inne tristu.

- Ai, ai! - fice lu vescu, e se purtàu lu tìsçetu a mucca e se nde sucàu lu sangu.

- Ccellenza, à' istu ca Cristu miu pìzzeca? Bencistà, moi; pèsçiu pe tie e ùsçate!




Home Page Inizio della pubblicazione
Li cunti te Papa Caliazzu
Racconto precedente: Racconto 51 Racconto successivo:
Modo videbitis… modo non videbitis Cristu miu pìzzeca Nna tàula àuta