Home Page Inizio della pubblicazione
Suntu... fatti nesci
Capitolo precedente: Capitolo 12 Capitolo successivo:
S. CASTRUMETIANU
Sicismondu patriotta e màrtire
S. CASTRUMETIANU
Lu Marchese lìbberu
PIPPI DE DUMINICIS

SICISMONDU CASTRUMETIANU - Lu Marchese lìbberu

Cìnque giurni dopu, lu 18 frebbaru te lu 1859, ntorna su lla nave mericana sale nnu carusu cu lli càusi strazzati, la camisa rrepezzata, li scarpuni rutti e a ncapu tantu nnu cappieδδu te pàgghia cu lle farde larghe larghe: parìa nnu messicanu et era nnu crandestinu, ca cu sse paca lu iàggiu aìa statu ssuntu comu llaapiatti.

Ma ci era stu muzzu te cucina? L'iti capitu, no? Era ncora lu Rafelùcciu Settembrini travestitu.

Giurnu 19, alle 10 te matina, la nave 'Dàvite Stewart' parte a direzione te la Mèreca. Lu giurnu dopu δδu giòene meschinu, ene a dìcere lu Rafelùcciu, all'antresattu, revòrvere a manu, face (o finge ca face?) priggiunieru lu capetanu Prentiss, lu ttacca all'àrveru te la nave e lu custringe cu dèsçia l'òrdene alli marenari soi cu ccàngianu direzione e cu sse dirìggenu versu l'Inghirterra.

A stu puntu se sulliàu nna furiusa tempesta - nu nci mancàa àutru! - e a δδi p˘ri naecanti ni inne mal de mare, tristu te stòmecu, tantu ca ìanu ummecate puru le ntrame. Pe gràžia te lu Signore, e de San Dumìnecu an particulare prutettore te lu casatu te li Castrumetianu, all'arba te lu 6 marsu la nave mericana tuccàu terra a nnu puertu te l'Irlanda. Finarmente li 66 patriotti taliani suntu sarvi e lìbberi, e dopu quarche giurnu rrìanu a Londra e bènenu ricevuti cu tanta simpatìa e cu tutti li unori de le autorità ngresi.

Lu mese dopu, alli primi te brile te lu 1859, li esigliati taliani, attraversu la Frància rrìanu a Turinu, capitale te lu Regnu te Sardegna, e suntu ricevuti, mbrazzati e asati te lu Rre Vittoriu Manueli II de Savoia a mpersona. A sta uccasione, li patriotti a unu a unu se àucuranu li Borboni te Napuli cu ccàtenu prestu e lu Regnu te le doi Sicìglie cu sse sçiunga allu Piemonte e cu sse forma nna Italia unita sutta la Casa Savòia. Quistu era lu desedèriu e la speranza loru e de tutti li Taliani!

A Turinu Sicismondu (già te 48 anni te ità) canuscìu la barunessina Atele Sàviu: iδδu se nnamuràu te iδδa, iδδa se nnamuràu te iδδu, se òsera mutu bene pe tutta la vita; ma lu loru foi nn'affettu rumànticu, e nu se decìsera mai cu se spòsanu.

L'annu mpriessu, simu allu 1860, lu eròecu generale Peppinu Calibbardi cu lli soi mille Calibbardini occupàu l'intieru Regnu de li Burboni; lu Rre neu Frangiscu II (alla napuletana manera chiamatu Frangischellu), fìgghiu te Ferdinandu II (ca ìa muertu lu mese de màsçiu 1859), bbandunàu lu tronu, se nde scappàu te Nàpuli e llora tutta l'Italia meritiunale passàu sutta alla Munarchìa Piemuntese.

Nna fiata ci li Burboni aìanu perdutu lu Regnu, allu Sicismondu Castrumetianu nèsciu foi pussìbbile turnare a ccasa soa, a Caδδinu, 11 anni doppu ci aìa partutu mmanettatu.

Poi, lu 1861 fose prucramata l'UNITÀ d'ITALIA, e se stabbelèra le elezioni pulìtiche pe llu Parlamentu Italianu, e lu patriotta Castrumetianu se presentàu allu cullèggiu de Càmpie.

Te Càmpie? e cce cc'entra canditatu campiotu ci era citatinu caδδinaru?

Lu fattu era ca su lla pulìtica intantu, Sicismondu nu sçìa d'accordu cu lli paisani soi.

A stu puntu tocca ffacimu nnu passu rretu. L'annu prima lu Generale Calibbardi aìa fattu capire ca dopu la vittoria iδδu deminuìa le tasse alli artieri e dividìa le terre alli cuntatini ca le fatiàanu; la uerra la encìu, però le tasse nu lle deminuìu e le terre alli ellani nu nni le spartìu, ma le lassàu alli stessi ecchi pruprietari.

Nc'era àutru, poi! Parecchi caδδinari, comu la razza te li 'Cazzati', te li 'Mbrufecune', li 'Scanciuδδu', li 'Pagghiara', li 'Cardacò', li 'Scuèscia', li 'Muδδìcula', li 'Farcu', li 'Stafalari' - tecimu la verità - prima spettàanu e speràanu alla Repùbbrica de Mazzini e de Calibbardi; ma poi se scunfetàra e, Munarchìa pe Munarchia, turnàra cchiùi favurèvuli alli Riali Burboni napuletani, nvece Sicismondu ulìa li Savòia e se attìa a favore de li Piemuntesi; puru li prieti, papa Pascali De Matteis e tutta quanta la famìglia de li 'Puδδi' e quiδδa de li 'Panesi', papa Santu Munìttula, papa Titta De Giorgi (ca quarche annu prima ìa statu puru sìndecu), e puru lu Nutaru don Luisçi cu tutti li Tòtaru Fila soi parienti, e poi le persone cchiùi derliggiose, comu li 'Nziδδi', li 'Aràsemu' e li 'Pauleδδa' tra de iδδi parienti, e poi ncora li 'Recuδδu', li 'Spigghiòttula' e li 'Sigghiulu'; e speciarmente li pruprietari e li mmassari - e li saggerdoti la pretecàanu te susu allu pùrpetu - preferìanu cchiùi lu Rre bižžocu Frangiscu de Nàpuli; nvece lu Duca era amicu te lu Munarca mangiaprieti Vittòriu Manueli e luttàa a favore de lu Rre piemuntese.

Nna tumìneca, poi, successe ntra llu paise nna cazzottisçiata generale tra lli Caδδinari rraggiati e mbestialuti e li Calibbardini, percÚ sti preputienti ìanu fattu a stozze la funtanella e la stàtua te Filippu IV rre de Spagna, ca te doi sièculi esestìanu tirimpettu allu palazzu.

Pe sti mutivi, nzomma, e cunsiterata la situazione, iste le ntenzioni cuntràrie te li paisani soi, Sicismondu Castrumetianu putìa cùrrere lu risçu cu rrumagna scunfittu alle elezioni? E se sçìu presentàu allu distrettu te Càmpie. E la penzàu bona, ca sulamente cussìne risurtàu elettu deputatu allu Parlamentu Italianu.

Cìnque anni dopu, alle elezioni te lu 1865, lu Castrumetianu nu foi elettu a deputatu; alle elezioni pruvinciali foi elettu Cunsiglieri e allora se tese te fare cu urganizza lu Museu de Lecce; ma puru tandu la pulìtica era lurda e mùceta, e siccomu puru cu lla soa unestità nde essìu - comu se dice - curnutu, attutu e cacciatu de casa, se ritiràu mmarutu e scunfurtatu subbra allu palazzu e passàu lu restu te l'anni soi tra lli recuerdi te la longa vita soa, spisa pe lla libbertà e pe l'unità d'Itàlia.

Le Memorie, ca iδδu aìa scritte cu llu nchiostru a manu e pinna, a nfine f˘ra unite a libbru ntitulatu "Carceri e galere politiche"; e siccomu Sicismondu aìa ddentatu quasi tuttu cecu, iδδu dettàa e le neputi Custanza e Livia screìanu; e quarche fiata se facìa iutare puru te lu Peppinu De Duminici, nnu carusu fìgghiu te cuntatini, ma mutu struitu percÚ ìa sçiutu alle scole te Lecce.

Sicismondu Castrumetianu, dopu tante sufferenze e patimienti, lu 1895 alli 26 te acostu, pròpiu te la festa te Santu Ronzu, murìu alla bella ità de 84 anni, e foi precatu ntra lla tomba te famìglia allu campusantu te Caδδinu.

Puru moi cinca ae allu cimiteru e se cùcchia cu legga la làpite, nci ite scrittu:

LO SPIRITO A DIO
SIGNORE
PERDONA AI MIEI FALLI
SIGISMONDO CASTROMEDIANO
DUCA DI MORCIANO MARCHESE DI CABALLINO
NATO A XX GENNAIO MDCCCXI
MORTO A CABALLINO XXVI AGOSTO MDCCCXCV

Li steli spinosi te nna rosa ncora moi se rràmpecanu fena alla làpite: la rosa a llu Duca nèsciu ni la chiantàu mèsciu Arturu zueppu (Arturo Colagiorgio), lu rremitu te lu Campusantu.




Home Page Inizio della pubblicazione
Suntu... fatti nesci
Capitolo precedente: Capitolo 10 Capitolo successivo:
S. CASTRUMETIANU
Lu Casatu
S. CASTRUMETIANU
Lu marchesinu Sicismondu
S. CASTRUMETIANU
Sicismondu patriotta e màrtire