Troppa cràzia

A tutte parti aìa chiutu, puru a Spècchie, Muntasanu, Ruffanu; sulamente su lla zona te Misçianu lu celu se mantenìa celiestru senza nna nula. La semana prima papa Caliazzu aìa fattu nnu trituu a llu prutettore Santu Ndrea e puru su llu fièu te Lucugnanu aìa scarrecata tanta àcqua ca le chesure s'ìanu llacate. A Misçianu, ca stae a cquattru passi,… nienti!

Allora li Misçianesi nvitàra l'acciprete te Lucugnanu cu fazza nna bella prèteca a Santu Vicenzu, cu sciùδδeca lu prutettore loru, cu llu dìsceta, cu nni raccumanda, nzomma, ci face chiòere susu a lli fondi te Misçianu.

- Cu nna prèteca sulamente nu ssàcciu ci nci riescu - se quatelàu papa Caliazzu.

- Ci una nu basta, nde faci doi, e ci cu doi mancu nci riesci, fande ttrete prèteche, quattru, pe ccrista!, ca te le pacamu.

Papa Caliazzu se la presçiàu pròpriu mutu la bona uccasione, e, salutu susu a llu pùrpetu, se mise a pretecare cu tantu fervore comu prima nun aìa mai pretecatu cussine; fiuri a biru ni essèra te ucca! Se fice tantu ssèntere te Santu Vicenzu ca nu mmancu aìa spicciatu la prima sùppreca ci ncignàu prima a cchiòere piu piu e poi a scarrecare te nnu bellu passu.

Papa Caliazzu nu lla ibbe a ccaru la cosa, percé ìa rrenunziare alle doi ttrete prèteche àutre, e strolecandu disse:

- E Vicenzu te Diu, ci ìa saputu ca stii, na na, cu piesci, nu tt'ìa priatu filu cu tantu fervore!

- Cce dici, Caliazzu - disse l'acciprete te Misçianu - quista ete quasi nna astima.

- Mannàggia a mmie, ci ièu ìa mmaggenatu ca quiδδu tenìa le capase te àcqua pronte… M'à fattu pèrdere pe llu menu doi sùppreche te centu lirazze l'una.

- E dalli; nu tte la pigghiare cu llu prutettore nèsciu!

- Ma comu no! - respuse, senza mmesura le palore, cchiù' scurrucciatu e nnervusitu ncora papa Caliazzu - nu biti ca δδu mienzu ddurmesciutu te Santu Vicenzu nu sse nd'à ccortu mancu ca àu senza umbrella?