Home Page Inizio della pubblicazione
Li cunti te Papa Caliazzu
Racconto precedente: Racconto 12 Racconto successivo:
Lu votu te la Pippi La tòneca te San Frangiscu Le sanguette

La tòneca te San Frangiscu

Alla essuta de Lucugnanu, alla strata ci porta a Spècchie, nc'era nna fiata nna chesiceδδa sulagna, spurrata te nnu parite; l'acciprete la ssegnàu alla Cungreca te la bona morte a pattu ca li fratelli la giustàanu, la ntonecàanu, la tenìanu pulita e urdinata, tuttu a spese loru.

Nnu giurnu, spicciati li lavori, lu Priore rreunìu li fratelli cu pìgghianu nna tecisione: cce fare tipìngere su llu parite ntunecatu iancu e lìsciu? Tutti f˘ra d'accordu cu fàcenu rrepengìre la ficura te San Frangiscu de Ssisi.

- Vabbene - disse nnu piulusu saputu - Però comu facimu èstere lu Santu: cu lla tòneca te mònecu cunventuale, cu lla tòneca te mònecu usservante o cu lla tòneca te mònecu cappuccinu?

Mìnchia, ziu Ngiccu! La custione era mpurtante e cumpricata, filu sèmprice e fàcile: ci saièmmara sapìa ste cannàmene e ste tifferenze? E cusì e culì, la tiscussione se cangiàu a pelèa e la pelèa a nnu lletecamientu ca nu spicciàa cchiùi.

Nn'àuru fratellu, lu cchiù' sapiu, fice nna pruposta:

- PercÚne nu ddummandamu a papa Caliazzu, ca ete saggerdote e ste cose forsi le sape?

- Sine, brau, appruvamu e spicciàmula nna bona fiata: sçia' sentimu cce nde tice l'acciprete.

- E nu bete mègghiu ci ete papa Caliazzu stessu ci dae lu ncàrecu a llu pittore? - tisse nn'àutru ncora.

- Brau puru tie - respùsera li fratelli; la ssembrèa se scunzàu e lu Priore sçiu pparlàu cu ll'arciprèite.

Papa Caliazzu fice rrepengìre subbra a llu ntònecu te la chesiceδδa lu Santu de Ssisi chiusu ntra lla ceδδa, curcatu su nnu pagghiarizzu, mmugghiecatu cu nnu chesçiune iancu (pròpriu comu nnu quatru te Giottu!); mpise a llu ppiendirrobbe, fice pìngere ttre tòneche: una te frangescanu cunventuale, l'àutra te frangescanu usservante e la tersa te frangescanu cappuccinu.

- E cce mmàggine ete quista? - tìssera lu Priore e li fratelli te la Cungreca - Nui nu mbulimu San Frangiscu ci sta' mmore.

- Li mìnchia ci siti tutti quanti! - fice papa Caliazzu - Nu betiti ca San Frangiscu stae curcatu e sta' dorme? Spettati, nci ole tantu? Quandu se dìsceta, fessa ci siti, se àusa e se ba' scòcchia la tòneca ci ole.

A sta spiecazione lu Priore e li fratelli te la Cungreca se capacetàra, se ssettàra alli scanni e, forsi ci forsi, ncora sta' spèttanu San Frangiscu te Ssisi cu sse ddìsceta , cu sse àusa e cu sse scòcchia la tòneca!




Home Page Inizio della pubblicazione
Li cunti te Papa Caliazzu
Racconto precedente: Racconto 12 Racconto successivo:
Lu votu te la Pippi La tòneca te San Frangiscu Le sanguette