Ncignatu e lassatu

Moi none, e' veru, ma nna fiata li ellani senza terra, li sçiurnatieri senza fatìa, allu tiempu te la metetura, te la endèmia, te la ccota te le ulìe, partìanu e sçìanu cu ba' fatìanu mmera a llu fuggianu, allu brindisinu, fena alle Calàbbrie. Sçìanu puru parècchie caruse, ci aìanu ncucchiare cu sse fàcenu la tota; e quarchetuna sçìa sièngula e se nde turnàa dùbbula, cu nnu piccinnu ntra lla panza, rrecalu pe nienti gratitu te lu patrunu.

Mofallanu partìu cu ba' fatìa puru nnu brau giòene te Lucugnanu, spusatu te picca tiempu, e lassàu a ccasa mugghièresa la Targisa prena te nnu mese.

A papa Caliazzu ni dispiacìa cu bìsçia δδa beδδa carusa sula a stu statu, luntana te lu maritu, senza parienti, sempre a spàssiu, e ni inne lu desedèriu cu nni tene cumpagnìa e cu lla cunsola.

Nna èspera, passandu te nanti casa soa, papa Caliazzu truàu la Targisa tisa susu a llu lemmetale cu lla spaδδa mpuggiata a llu stàntulu te la porta e cu ll'ecchi te rùmmula mmaruti uardàa mera mera.

- Cara beδδa.

- Bongiornu, acciprete - respuse iδδa cu nnu fare tantu ngarbatu.

- Sempre mara e nnutecata te ìsçiu! Quali suntu le preoccupazioni toi? Te pozzu iutare pe ccasu?

- Acciprete, li puerieδδi suntu spenturati. Iti a mmie: mancu te nnu mese spusata e rrumasta sula e scunsulata, pe besegnu… e cu nna criatura… - e se mpuggiàu le parme te le manu susu a lla panza.

Papa Caliazzu la uardàu te nanti, te coste, te squìnciu, comu unu ci se nde ntendìa, e poi tisse:

- Te ticu la verità, Targisa: ièu me nd'ìa ccortu ca tieni la entre pezzuta. Cussì, a nna botta si' rrestata prena?

- Acciprete, cussì à bulutu Domeneddìu.

- … e marìtuta. A prupòsetu, a ddu tiàmmena stae moi marìtuta?

- Lu Cìciu miu à ppartutu pe lla metetura.

- Bruttu gnurante! Se nd'à sçiutu tantu te pressa senza mancu cu cumpreta l'òpera? Gìrate, Targisa, fatte uardare. Na, δδu rebbambitu: à ppartutu e tt'à llassatu nnu picciccheδδu senza manu e senza pieti…

- Cce sta' ddici, acciprete? O Matonna te lu Càrmenu mia beδδa! Oimmena, cce spurtuna la mia! - scuppiàu a cchiàngere la pôra mamma spenturata.

- Citta, babba mia; nnu rremètiu se pote sempre truare.

- Acciprete miu, te asu le manu ci iuti stu pôru fìgghiu spurtunatu. Cce pputimu fare? Dimme, acciprete, cusìgghiame signurìa, ca ièu ncora tegnu picca sperènzia.

- Nc'ete nnu sulu mezzu e nnu sulu motu: tocca cu facimu ièu e tie quiδδu ci tie e marìtuta nun iti fattu pe mmancanza te tiempu.

- Pe llu fìgghiu nna mamma face quarsìasi cosa, e ièu suntu tisposta cu fazzu comu signurìa me dici e ccèncata me cumandi.

E cussì, nnu giurnu sine e unu none, te notte papa Caliazzu sçìa ttruàa la Targisa e, de unita fatiandu e straccandu, cu tutta la ttenzione fìcera prima le manu e poi li pieti, doi tìsçete la fiata, a llu piccinnieδδu ncignatu e lassatu.

Rriàu poi lu giurnu ci lu Cìciu turnàu a ccasa. Veramente se spettàa ca la Targisa ni sçìa ncontru e lu mbrazzàa e, nvece, la mugghiere curciula curciula se menàu comu nna tìpera mbelenata:

- Te fetasti cu mme crièi nnu fìgghiu, ma poi, ciùcciu ci sinti, lassasti l'òpera a mmetà; te nde sçisti lassàndume lu piccinnu senza manu e senza pieti, e ci nun ìa ncuntratu l'acciprete cu rremètia, lu fìgghiu nèsciu aìa natu manimuzzu e pietimuzzu.

Lu poru maritu, mpetratu, se ntise cuntare te la mugghiere stessa tutta la storia te le corne nturtigghiate comu quiδδe te nnu cràpiu. Pe llu scuncertu de lu core e lu rreutamientu te la mente nu ssippe cce ddice, ma nna cosa penzàu te sicuru: ca se l'ìa scuntare, quantu era veru Diu!

E nu cchiù' ttardu te nnu mese, trìnchia osçe, trìnchia crai, la sorte ni tese canza. Nna tumìneca alla mmane lu Cìciu curnutieδδu capetàu pe scasulità mmera a lli curtali te la paròcchia e se ccurgìu ca lu ualanu e lu pecuraru nu nc'èranu: forsi, comu tutte le feste cumandate, ìanu sçiuti a missa pe òrdene te lu acciprete.

Lu giòene curnutieδδu, cu llu core cumbru te fele e cu l'ecchi russi te sangu, se nfelàu intra a llu iazzu, nferràu la runceδδa e spiertu comu nna machinetta tagghiàu li pieti te le acche e de lu tàuru, te le pècure e de lu manzaru, te le porche e de lu erre.

Quandu turnàra li doi uardiani e bìddera δδu spettàculu te sangu, sçera te cursa all'arciprèite e lu nfurmàra te lu sgarru fattu certamente pe sprèggiu e pe despiettu.

Papa Caliazzu nde rumase stunatu e scuncertatu; e, mentre se mangiàa la capu ci carugnune spulisçiatu aìa pututu fare nnu sgarru sìmele a llu pàricu, lu Cìciu, lu maritu curnutone, ni essìu a nnanti e lu salutàu:

- Caru acciprete… Pe lla matosca, cce brutta cera puerti! Cce tt'à ssuccessu nienti?

- Mannaggia ci l'à straìi e puru ci l'à stramuerti…

- Cine, papa Caliazzu?

- Quiδδi, maletetti a iδδi, ci ànu mmuzzati li pieti te tutte le èstie mei.

- E te pigghi corla pe sta cica?

- Comu sta cica, e te pare nna cosa te nienti?

- Pe signurìa sine, pe gesufriscu! Cosa te nienti ete pe tie, ci sinti tantu brau cu faci e cu ncueδδi pieti e manu!