Li culummi te Bonsignore

Dopu lu Puntificale tenutu a llu casale te Patù, Bonsignore, a cumpagnìa te l'arciprèite te Lucugnanu, sta' turnàa allu pescupatu te Lessanu a ncarrozza.

Alla essuta te lu paise lu vèscu ose cu ccatta nnu panarieδδu te culummare prematèi, belle cu lla scorsa erde felata, cu nna còccia te mele a mucca. Cu nnu sia cutulàa e buccàa pe lli rrebbutti, lu panarieδδu foi sistematu a minimienzu tra l'anca mancina te Bonsignore e l'anca ritta te papa Caliazzu.

La strata ncora era longa, lu cucchieri stìa mienzu ddurmesciutu e lu caδδu se nde sçìa tomba tomba; lu vescu, cu uatagna tiempu, aprìu lu libbru e ncignàu cu llegga intra de iδδu lu santu ffìziu.

Senza cu sse nde fazza ccòrgere, papa Caliazzu llungàu la manu a llu panaru, cu lle tìsçete cittu cittu nde scustàu la pàmpana te fica e mmenàu nn'ècchiu a δδe beδδe culummare, ca parìa ca sta' rrìtenu cu lla ucchiceδδa scarassata.

L'acciprete a nnu ccertu mumentu se ddunàu ca lu vescu leggendu leggendu sta' mpassulàa, allora zzeccàu nnu culummu e se lu menàu a mmucca tuttu ntieru; lu vescu, ntantu, cu lla cuta de l'ècchiu s'ìa ccortu te le macìnule te lu cumpagnu de iàggiu e a lla mpruìsa fice ca ddummandàa:

- Arciprèite, sai filu, pe casu, a cci mpartiene stu riccu fièu te ulìe?

Papa Caliazzu, pigghiatu a lla spruista, siccomu tenìa la ucca china, pe picca nu sse nfucàu; te pressa se nfacciàu fore te lu spurtellu te la carrozza, comu pe uardare lu luecu, sputàu la culummara e respuse:

- Bonsignore, stu fièu ete…, ete… Ba, nu mme sta' rrecordu.

Lu vescu secutàu a llèggere lu ffìziu e, leggendu leggendu, sta' mpannàa ntorna (o facìa finta?); l'acciprete cittu cittu llungàu la manu, pigghiàu nn'àuru bellu culummu e se lu feccàu a mmucca.

Saietta alla strata, però! pròpiu tandu la rota pigghiàu nna suttamanu, la carrozza ibbe nnu rrebbuttu, lu vescu nzatàu, stampagnàu l'ecchi e se ccorse te le arže nchiate te papa Caliazzu.

- Arciprèite, te ci ete sta mmassarìa? - fice ca ddummandàa pigghiànduse li custi.

Ntorna papa Caliazzu stralunàu l'ecchi, cacciàu la capu fore te la carrozza, sputàu la culummara e respuse:

- Bonsignore, sta mmassarìa mpartene a…, a llu… Ei, mìnneca, tegnu lu nume susu alla punta te la lìngua e nu mme sta' bene…

- Sia, nu face nienti, nu nci penzare - tisse lu vescu.

E cchiù' nnanti: "Don Dumènicu, te ci ete sta mendulara cussì rande?"; e picchi dopu: "Don Caliazzu, ci ete lu pruprietàriu te stu palummaru?"; e cchiù' δδa mmera: "Sai te ci ete stu fichetu?"…

Cussì ogne fiata l'acciprete: 'pìgghia…, mina a mmucca…, sputa fore…' ; nun ibbe lu piacere cu ssapura nnu culummu; mìnchia miu, nc'era ci ni truàa l'àcqua!

Rriàra alla Curia de Lessanu a sira tardu. Siccomu papa Caliazzu nu ttenìa lu còmmutu cu ttorna a Lucugnanu, tuccàu cu llòggia allu pescupatu; la notte se utàa e sputàa, ni tulìanu le spaδδe (cussì succete quandu unu càngia liettu); se fice menzanotte e ncora l'acciprete nun aìa statu capace cu ppìgghia suennu, cu sse ddurmisca, ma ibbe lu tiempu cu nventa nnu motu e nna manera cu sse la scunta cu δδu tespettusu de Bonsignore.

Pensata e ffatta! Pigghiàu, papa Caliazzu, e se ausàu; senza cu ttozza 'ttu ttu', trasìu ntra lla càmmera te lu vescu, ca sta' ddurmìa a ssuennu chinu e sta' roffulàa comu nnu nannercu; se cucchiàu a Succellenza e llu tuccàu su nnu musçu:

- Imu rriati?… Ci ete? Cce à ssuccessu? Cce buèi? - nzatàu lu vescu.

- None, Bonsignore, nun à ssuccessu nienti. Suntu ièu; m'àggiu rrecurdatu, sai? ca δδu ulietu cussì rrande ete te lu conte Panzera.

- Tantu piacere, arciprèite; cràzie te la nformazione, a st'ura. Moi a' bane e cùrcate,… e làssame durmìre a ngràzie te Diu.

Papa Caliazzu, cuntente, se sçìu ccurcàu ntorna; ma nu rriuscìu cu pìgghia sennu. Dopu mancu nna uretta se žau, se nfelàu ntra lla càmmera te lu vescu e, ntrepetazzu, lu ssemmurgiàu pe lle mùsçure. Lu vescu nzatàu cchiù' forte:

- Per Deum vivum! Cce à ssuccessu? Ci sinti? Cce ddiàmmena uèi a prima ura?

- Nienti, Bonsignore, nu te mpaurare. Suntu ièu, l'acciprete te Lucugnanu, e sta' tornu cu tte ticu ca m'àggiu rrecurdatu de ci ete δδa mmassarìa: δδa mmassarìa mpartene allu Capìtulu de Sarve.

- Vabbene, arciprèite; cràzie te la nformazione. Ma sta' mmueru te sennu…; pe ffaòre, làssame mpace ammenu la notte!

- Felice sennu! - auràu papa Caliazzu allu vèscuvu sou.

Quandu pe lla tersa fiata l'acciprete, dopu nna menza uretta, se cucchiàu ntorna a llu liettu te Bonsignore cu llu nforma e cu nni tica de ci era la mendulara, de ci era lu palummaru e lu fichetu…

- Ma, cce mme nde preme te la mendulara! - nu sse trattinne pròpiu lu vescu - Cce mme nde futtu ièu te lu palummaru, te lu fichetu e de ci suntu li patruni! Nzomma, arciprèite, servu te Diu, me lassi turmìre a santa pace?

- Sine, sine, Bonsignore! Ma ntra lla carrozza, signurìa…, ièu…, nvece Succellenza… - cercàa cu sse scusa papa Caliazzu.

- Sine, còccia tte pìgghia! Àggiu capitu, - retàu lu vescu - sine ane senone figghi, bruttu cannarutazzu; a' ba' mmàngiate δδi culummi mmalurati e… cu te ccàppanu a ncanna!