Home Page Inizio della pubblicazione
Li cunti te Papa Caliazzu
Racconto precedente: Racconto 21 Racconto successivo:
Li culummi te Bonsignore Amici tutti e doi L'ària te Lucugnanu

Amici tutti e doi

Nna cristiana, nna bižžoca fàusa, mutu deòta te Santu Micheli, aìa dumate doi candile nnanti alla stàtua te cartapista te lu prutettore sou, l'Arcàngelu, ca tenìa la spata a mmanu e lu serpente demòniu catisçiatu sutta a llu pete.

Se truàu a passare te squìnciu lu pàricu papa Caliazzu, ca se cucchiàu e disse:

- Patruna Sisina, le candile l'à' mise troppu cùcchie, moi se cuncàrdanu e se mmòscianu - e de motu e de fattu nde pigghiàu una e lla mpezzàu cchiùi δδai de scoste.

- Ma, acciprete, cussine nde minti una a nnanti a San Micheli e una a nnanti a llu Malignu.

- Buenu, cummare Sisina, ete mègghiu ci te li tieni amici tutti e doi,… nu sse sape mai!




Home Page Inizio della pubblicazione
Li cunti te Papa Caliazzu
Racconto precedente: Racconto 20 Racconto successivo:
La luna a cquintatècima Li culummi te Bonsignore Amici tutti e doi