Lu coppulinu te notte

Nna sira, dopu mangiatu e beutu, ntra llu salottu te la marchesa de Lessanu se descutìa ci facìa buenu o fiaccu alla salute cu puerti a liettu lu coppulinu te lana.

A nnu ccertu puntu, quasi spastitiatu, lu marchese disse:

- Ièu ae nna semana ci me lu mintu e lu trou còmmutu.

- E a mie nu me piace cu tte ìsçiu comu nnu pupu, curcatu te coste cu llu coppulinu a ncapu - respuse nervosa la signura mugghiere.

- A mie me face còmmutu e me lu ncafu - disse pe despiettu lu marchese.

- A mie me pari nnu ecchiardu rammullitu.

- Cce nde tici, acciprete? - dummandàu lu barone - Nu ffazzu buenu ièu?

- Marchese, ài tuertu signurìa - respuse papa Caliazzu - e àe raggione la signura marchesa: lu coppulinu ete lu 'stutacandile' te la gioentute!