Retiti a cquanfacce!

Nna fiata, su lla strata te Salignanu ci porta allu Santuàriu te la Matonna de Finimundu, stampata susu allu fundu te nnu parmientu nticu cumparìu la ficura te Santu Martinu, prutettore de li mbriachi e de li latri.

Tutti li Lucugnanesi sçera cu salùtanu δδu rande Santu e cu nni ddùmanu nna candila pe deuzione.

A δδu pappacola te lu Priore, però, ni inne ncapu cu fazza sistemare susu a nna autina tanta nna utte te tùgghie senza lu tampagnu, cunforma a nnu pùrpetu pruvvisòriu.

Papa Caliazzu (sempre iδδu capetàa a ste circustànzie!) se sistemàu intra a lla utte e tinne la cummemurazione te Santu Martinu. Se mmurtalàu veramente; ddaveru, a nnu ccertu puntu, nfervuratu, stampagnàu le razze, se cutulàu tantu ca la utte buccàu e se mise a curuδδulisçiare te subbra all'autina a bàsciu… cu ll'arciprèite intra.

E la gente a rrìtere e a rrìtere. La utte te tùghie se fermàu quandu se sçìu stampagnàu contru la rapa de nnu àrveru te lizza. Te pressa lu Priore e li fratelli te la Cungreca fusçèra cu sàrvanu l'acciprete, ca, perìcciu miu, aìa spicciatu capisutta ntra lla utte, cu lla tòneca utata fena a ncapu e le anche ci spatulisçiàanu te fore all'ària.

Sangu lli pìgghia li fratelli! Papa Caliazzu pe picca nu ss'ìa franteδδatu e iδδi nci se la retìanu te subbracchiùi; quantu cchiùi papa Caliazzu straulàa l'anche, tantu cchiùi la gente se crepàa te risi.

An fine l'acciprete nci la fice cu sse nd'essa te ntra lla utte, rraggiatu comu nnu tàuru furiusu; cu llu sangu all'ecchi comu nnu mentessutu se scalàu li carzunetti, giràu lu teretu alla folla, llentàu nnu pìretu sunoru comu suenu te trumbone, e cu nna uce stizzata disse:

- Eccu, na! Retiti a cquànfacce!