Home Page Inizio della pubblicazione
Li cunti te Papa Caliazzu
Racconto precedente: Racconto 61 Racconto successivo:
Lu cappieδδu intra a lla capu Papa Caliazzu pueta Nvece te una, doi…, servu te Diu!

Papa Caliazzu pueta

Nc'era nna fiata nnu Nfinfirinfì de àsciu a llu Capu, nnu capustieδδu nzomma, e me cuntàa ca, sine d'accordu, papa Caliazzu era tuttu quiδδu ci se tecìa a ngiru; ca nun era mutu struitu ma era furbu e spetentusu; ca te lu celu sapìa le cose subbra subbra ma canuscìa, però, tutti li fatti de stu mundu. Me tisse puru - e cquistu me maraegghiàu mutu - ca papa Caliazzu cumpunìa puesèi, a dialettu, segnum era ca nu bera poi sulu materialone ma tenìa puru nnu pezzettu te core tiènneru e gentile.

Quandu ni respusi ca ièu nu nci cretìa, sapendu ccenca se tecìa te δδu trastulune mprusatore mbrugghiune, lu Nfinfirinfì, cu mme nde tèsçia proa, me recetàu ste doi puesèi, ca ièu scriu te siècutu palora pe palora:

Te lu giurnu te Pasca befenìa
nc'èranu ttre ziteδδe a cunfessare;
una a llu cunfessore ni decìa:
"Patre, lu amante nu me lassa stare".
"Àmalu, fìgghia, àmalu de core,
ca, ci nu bera papa, puru ièu
era lu primu amante ci te amava".
Cummare, ci sta fìgghia tieni zita,
nu lla tenìre tantu carcerata;
dummàndala ci ole sse mmarita,
iti cce te respunde a prima fiata.
Ci ni ddenta la facce culurita,
ci se mòscia supèrchiu ntaressata,
cchiùi sta figghiola nu po' stare zita:
tene mmìdia de cinca e' maretata.

Brau, papa Caliazzu se mmurtala nu nc'e' male!




Home Page Inizio della pubblicazione
Li cunti te Papa Caliazzu
Racconto precedente: Racconto 61 Racconto successivo:
Lu cappieδδu intra a lla capu Papa Caliazzu pueta Nvece te una, doi…, servu te Diu!