Home Page Inizio della pubblicazione
Suntu... fatti nesci
Capitolo precedente: Capitolo 18 Capitolo successivo:
L'à' munta la pècura? Lu Piripìcchiu Lu Senzaquiδδa

Lu Piripìcchiu

E non era questo il solo caso di epiteto rivolto senza pronunziar parola. Ascoltate quest'altro episodio svoltosi tra me e un mio caro cugino.

A mmie, te striu, me prutìa lu culìcchiu cu nzurtu cusçìnuma lu Rafelùcciu te donna Nzina: lu chiamàa «Piripìcchiu» e iδδu se rraggiàa, se dannàa e me mmenezzàa; ma cusçìnuma - puru ci ièu me le mmeretàa - nu mme sçaffunisçiàu mai, perc ièu era cchiù' picciccu e cchiù' dèbbule te iδδu e iδδu era cchiù' rande e cchiù' forte de mie (tandu ccerte rècule te lialtà se tenìanu te cuntu e se rispettàanu!).

Me rrecordu ca nna èspera stìamu ssettati a nterra intra a llu sampuertu e sta' nfelaàmu tabbaccu; nc'era la Vitùccia te lu Ntoniceδδu (ca, perìccia, murìu pe amore), la Cungettina Murettu e cusçìnasa la Cungettina Dicatèa, la Sisina te la za ccia, ncora stria, e δδa tumitilla te Pippi Pàssara, nna beδδa carusa tutta pipe, ca me ulìa tantu bene e puru a mmie, ncora uagnunceδδu, me piacìa mutu mutu e ièu mme la uardàa cu nn'ècchiu particulare.

Ièu stia a nnu cantune e lu Rafelùcciu all'àutru puntune dirimpettu. Nisciunu parlàa, ceδδi mmusçìa, tutti quanti citti e spierti a ci cchiù' mprima spìccia la nzerta de tabbaccu.

A nnu ccertu mumentu cusçìnuma ausàu l'ecchi te la saccuràfia e me uardàu, comu pe dire: "Ni žamu cu nna scusa e sçia' ccugghimu rùsciuli?"

Ièu nu nni respusi a tonu cu lla uardata, ma senza trestìzia e senza malìzia, quasi cu nni fazzu nna ceremònia, ni risi e ni fici «Piripìcchiu!»; però filu parlandu cu lla uce - cuscènzia te l'ànima - filu a palora, ma muendu a mosse sulamente la ucca, cussine, eh!, a mmusi mpezzati.

Lu Rafelùcciu me capìu a mberbu, te botta, rrussìu pe lla ràggia e rungulandu me ccusàu:

- Za Pippi (la bunànima te mama), lu Ntunùcciu me sta' ngiura!

- E, l'ànima tt'essa! comu te sta' ngiura ci nun à dditta mancu nna palora?

- No, nun à parlatu, ma però à mmuùti li musi, facendu cussine, eh!: «Prpp!»

Questi esempi per dimostrare che si potevano lanciare epìteti e insulti pur senza pronunziare una sola parola e facendo e mimando solamente gesti e segni.




Home Page Inizio della pubblicazione
Suntu... fatti nesci
Capitolo precedente: Capitolo 18 Capitolo successivo:
L'à' munta la pècura? Lu Piripìcchiu Lu Senzaquiδδa