Home Page Inizio della pubblicazione
Cose te pacci - Cunti culacchi canti
Capitolo precedente: Capitolo 11 Capitolo successivo:
Li piò-piò Li nùzzuli nc'èranu Nna custione tiffìcile


11 - Li nùzzuli nc'èranu

Te tantu ntantu lu Tore Babbu quarche cunsiterazione giusta la puru facìa, ma poi nu sse fetàa cu ppìgghia puru nna giusta decisione; penzàa e nun aggìa. Lu tiempu passàa, le staggioni se secutàanu e iδδu se l'aìa bìtere ogne giurnu cu llu besegnu, pe nu dire cu lla fame.

Nna fiata lu Tore, a Lecce, se truàu pe casu cu unu de Lezzanieδδu, nnu ccertu Nenzu Nasitechicci, nnu giòane spenturatu, nnu ppòppetu muertu te fame cchiùi de iδδu. Aìa passata te parècchiu menžatìa e li do' carusi aìa nn'ura ci stìanu mpuggiati cu lle spaδδe alla culonna de Santu Ronzu comu sia ci l'ìanu ttenìre cu nnu ccàsçia, maisìa maisìa. Tuttu te paru nnu rèfulu sulliàu ranieδδi de terra e ni li feccàu intra all'ecchi; allora li do' amici se scuδδàra te la culonna e se ddunàra sulu tandu ca ìa rriata l'ura cu sse màngianu quarcheccosa. Ncucchiàra cu sse ccàttanu nnu piatticeδδu te ulìe celine (veramente sta' ttenìanu ògghia te scapece, ma nu sse la pòttera permettìre), e mienžu piezzu te pane, metà te la miatà a unu e metà te la miatà all'àutru.

A cquattru ccuni se spicciàra tuttu; nu sse binchàra, certu, ma pe lu menu aìanu fattu spicciare te rùsçere le ntrame. Dopu nnu dderruttu quasi a bacante, lu Lezzeneδδaru disse:

«Mannàggia la matosca, pe la famòteca m'àggiu gnuttuti puru li nùzzuli te le ulìe».

«Ca ntra lle ulìe nc'èranu nùzzuli?» - ni respuse lu Tore Babbu.




Home Page Inizio della pubblicazione
Cose te pacci - Cunti culacchi canti
Capitolo precedente: Capitolo 11 Capitolo successivo:
Li piò-piò Li nùzzuli nc'èranu Nna custione tiffìcile